Քայլ Կոնդում

Հունիսյան ճամբարի նախավերջին օրն անցկացրինք երևանյան քայլքով․․․«Հին Երևան» նախագծի շրջանակում  ճամբարային մեկ օրն անցկացրինք Երևանի հին թաղամաս Կոնդում:

Ճիշտն ասած, ես Կոնդում երբեք չէի եղել, ուստի ինձ համար առավել հետաքրքիր էր լինել և քայլել Հին Երևանի այդ կոլորիտային թաղամասում:

Կոնդի բնակիչները, պարզվում է, այնքան էլ գոհ չեն իրենց ապրուստից, կենցաղից, չնայած մեր քայլքի, զրույց-շփումների ընթացքում մենք էլ շատ խնդիրներ բացահայտեցինք։ Մարդիկ նշում են, որ ամեն դեպքում սովորել են իրենց պայմաններին, Կոնդի կյանքին, որտեղ կա լավ հարևանություն, իրենց մեծերի պատմությունը, նրանցից փոխանցված սովորույթները, բազում այլ արժեքներ․․․

Կոնդի նեղլիկ փողոցները մարդիկ գունավորել են, ծաղկապատել, դարձրել հնարավորինս ուրախ, մարդու աչքին հաճելի, տների պատերին կտեսնեք գեղեցիկ գրվածքներ, պատից բուսնած ծաղիկներ, իսկ տների դռները հիմնականում բաց են և հյուրընկալ:

Ահա մեր հաճելի, անմիջական, անկեղծ զրույցից մի հատված՝